Euskera | Erderaz

Berriak

2011ko abendua

Elkartasun Jaialdia domeka honetan, abenduak 18

Urtero legez Gabon ingururako Elkartasun jaialdia prestatu dugu. Iazko moduan Hilario Azkarate frontoian, Polikiroldegian, egingo dugu aurten, datorren domekan, abenduak 18. Eguerdiko 12:00etan ipini dugu hitzordua. Honakoak izango dira aurtengo parte hartzaileak: 

• Agustin Garamendi Musika Eskola

• Besaide dantza taldea

• Durangaldeko Txistulariak

• Eduber dantza akademia

• Elorrioko Institutua

• La Esperanza nagusien elkartea

• Lourdesko Ama ikastetxea

• Txintxirri ikastola

Jaialdian batzen den dirua Boliviara bideratuko dugu, Oruro eskualdera, bertako premietan laguntzeko. Parte hartzaileen eta ikusleen erantzunagaz oso gustora egoten gara urtero, eta eskerrik asko aldez aurretik!

Janari eta jostailu bilketa 19an hasiko dugu

Elkartasun Jaialdiaren biharamunean hasiko dugu urteroko janari eta jostailu bilketa. Aurten iazko lekuan egongo gara: Julian Ariño 6an, Eroski alboko etxearen garajean. Abenduaren 19tik urtarrilaren 4ra arte egingo dugu janari eta jostailu bilketa, astelehenetik barikura. Honakoa da ordutegia: 10:00etatik 13:00era eta 17:00etatik 20:00etara. Aurten batutakoa Boliviako Oruro eskualdera bidaliko dugu.

Janari ez galkorra batzen dugula gogorarazten dizuegu, eta ez ditugula jostailu belikorik onartuko.