• Hasiera
• Gu
• Historia
• Kolonbia
• Ume errusiaren harrera
• Nikaragua
• Tanzania
• Elorrioko jarduerak
• Argazkiak
• Loturak

Hasiera / Gu

GU

Gobernuz Kanpoko Erakundea da Kainabera. Ez da konfesionala. Elorrion beste herri batzuekiko elkartasuna, lankidetza eta garapena bultzatzeko sortu zen.

Elorriar talde batek osatzen dugu Kainabera, eta Elorriotik eta elorrion lan egin gura dugu, gure kezka berak dituzten elkarteekin elkarlanean.

GURE HELBURUAK

Giza Garapen Jasangarria lortu guran, gurekin harremanetan jartzen diren pertsona eta taldeekin elkarlanean aritzea gura dugu.

Kainaberak arlo hauetan egiten du lan:

• Kooperazio arloko proiektuak aurkezteko bitartekaria lana egiten dugu kooperaziorako laguntza ematen duten erakunde publikoetan. Guk ez ditugu proiektuak diseinatzen; laguntza behar dutenek egiten dute lan hori. Euren inguruko arazoak aztertu eta euren beharrizanen berri ematen digute.

• Munduko hainbat herritako egoera ezagutzeko aukera ematea gura dugu, kooperazioaren eta elkartasunaren ikuspuntutik.

• Larrialdi egoeretan kanpainen bidez laguntza ematen saiatzen gara.